De Bruyne, Foden mise …? Waa Kuma Xiddiga Man City Ee Ka Cadhaysiiyey Arsene Wenger Intii Ay Socotay Ciyaartii Ay Xalay Ku Garaaceen PSG?

Arsene Wenger ayaa qirtay in uu ka cadhooday mid ka mid ah ciyaartoyda Manchester City intii ay socotay ciyaartii semi-finalka Champions League ee xalay ay kaga adkaadeen PSG.

Kooxda reer France ee Paris Saint-Germain oo lugtii hore ee magaalada Paris lagaga soo badiyey 2-1 ayaa waxa xalayna loogu sii daray guul-darro kale oo 2-0 ah, taas oo Manchester City ay ugu gudubtay finalka Champions League markii ugu horreysay taariikhda.

PSG ayaa labadii ciyaaroodba ku dhamaysatay min 10 ciyaartoy, waxaana kulankii hore kaadh cas ku baxay Idrissa Gueye, halka uu xalayna daqiiqaddii 69aad kaadh cas oo toos ah garoonka kaga baxay Angel di Maria oo ay isku dhaceen Fernandinho, lugtana kaga istaagay.

Tababarihii hore  ee Arsenal ee Arsene Wenger oo kulankan ka falanqaynayay istuudiyaha telefishanka beIN Sports ayaa ka hadlay dhacdadan, waxaana uu sheegay in uu ka cadhooday hab-dhaqanka kabtanka Manchester City ee Fernandinho oo si aan habboonayn u dhaqmay.

Wenger ayaa yidhi: “Waa in aan sheego, maan jeclaysanin sida uu Fernandinho u dhaqmay caawa. Daandaansi ayuu sameeyey.

“Haddii aad kaadh cas ku saartay Di Maria, waa in sidoo kale aad ciyaarta ka saarto Fernandinho, sida ay aniga ila tahay.”

Isagoo hadalkiisa¬† sii wata, waxa uu Wenger intaas ku daraya: “Fernandinho waxay ahayd in mar horeba kaadh digniin ah la siiyo, daandaansi ayaanu ku sameeyey Di Maria. Labadaba waxay ahayd in la saaro.”

PSG oo hore usoo reebtay Barcelona iyo Bayern Munich ayaa waxay awoodi waayeen in ay ku daraan Manchester City, waxaana Wenger uu sheegay waxa ay u baahan tahay kooxda reer France si ay guulo u gaadhi karto, waxaanu yidhi: “Waxay leeyihiin rajo weyn, guulo na way gaadhi karaan, laakiin waxay u baahan yihiin in ay isa-saxaan. Waxa kale oo ay u baahan yihiin in ay is-dejiyaan oo ay ciyaartooda diiradda saaraan.”

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*