Tababaraha kooxda Newcastle United ee Eddie Howe ayaa ka hadlay xaqiiqada wararka sheegaya in uu weeraryahan Cristiano Ronaldo kooxdooda kusoo biiri karo suuqa xagaaga dambe.
Waxa jiray war uu qoray wargeyska Marca oo sheegaya in Ronaldo uu xilli ciyaareed amaah ku tagi karo Magpies haddii ay kooxdaasi usoo baxdo Champions League xilli ciyaareedka dambe.
Eddie Howe oo xogtaas wax laga weydiiyay kahor kulankii Arsenal ee xalay ayaa biyo qabaw ku shubay isagoo beeniyay.
“Waxaanu Cristiano Ronaldo u rajaynaynaa wanaag oo dhan balse xaqiiqo maaha warkaasi dhinacayaga” ayuu yidhi Eddie oo Sky Sports la hadlayay.
Newcastle ayay si rasmi ah sanadkii 2021 ula wareegeen maalgaliyayaal Sucuudi ah taas oo ah sababta loola xidhiidhinayo Cristiano.
15-kii bilood ee ugu dambeeyay ayay Newcastle lacago badan ku bixisay suuqa iyagoo kooxda kasoo kaxeeyay heerka kaalmaha Premier League looga dhaadhaco ilaa kaalmaha tartamada Yurub loogu soo baxo.
Arsenal ayaa haatan booska saddexaad ee miiska kala sarreynta Premier League jooga iyagoo ka dambeeya kaliya Arsenal iyo Man City.
Ronaldo ayaa dhinaciisa kulankiisii koowaad ee Al-Nassr Khamiista kahor tagi kara kooxda Al Ta’ee xilli xalay taageerayaasha loosoo bandhigay saxeexiisa.
