Khadka dhexe ee kooxda Juventus ee Paul Pogba ayaa shaaca ka qaaday sida uu ula dhacsanaa Cristiano Ronaldo halkii xilli ciyaareed ee ay Manchester United kusoo wada qaateen.
Kaddib sanad ay wada joogeen, Pogba ayaa heshiis xor ah markale ugu laabtay Juventus halka Ronaldo uu dhawaan ka hayaamay Man United oo uu wadajir heshiiskiisa ula kansalay.
Paul oo la hadlay barnaamijka Field Of Stories ayaa sheegay inuusan waligii arag qof lamida Cristiano marka ay noqoto dhinaca nidaamka iyo dedaalka.
“Nidaamka Ronaldo wuxuu ahaa mid aan la rumaysan karin, waligay ma arag sidaas oo kale” ayuu hadalkiisa ku bilaabay PP.
“Nidaamkiisu waxa uu ahaa heerkale, waxaan arkaa xirfadlayaal caalami ah, ciyaartoy caalami ah, iyagu waa kuwo aad u nidaamsan, xilli hore ayay yimaadaan, dhammaantood waxay sameeyaan tababar soo kabasho iyo wax lamid ah”.
“Balse qof halkaas jooga maalin kasta oo aan joojin, kaasi waa Cristiano. Maalinkasta wuu joogaa, maalmaha qaar waxaad odhanaysaa caadi baah ahay balse isagu hal maalin ma seego, nidaamkiisu waa inuu maalinkasta sameeyo, sidaasi waa waxkale”.
