“Wadne Xanuun Baa Igu Dhici Lahaa Haddii…..” – Luis Enrique Oo Sheegay Sida Uu Xalay Uga War La’aa Kulankii Germany v Costa Rica

Tababaraha xulka Spain ee Luis Enrique ayaa shaaca ka qaaday sida uusan xalay uga war hayn kulankii dhex maray xulalka Germany iyo Costa Rica.

Labada kulan oo mar wada socday ayay natiijadoodu mar sheegaysay in Japan iyo Costa Rica gudbayaan oo ay hadhayaan Spain iyo Germany balse ugu dambayn Japan iyo Spain ayaa gudbay.

Spain ayaa guuldarro 2-1 ah kala kulmay Japan oo booska koowaad kaga baxay Group-ka halka Germany ay 4-2 kaga adkaadeen Costa Rica oo ay wada hadheen.

Haddii aysan Germany goolasha keenin oo ay Costa Rica ka badin lahayd ayuu xulka Spain hadhi lahaa balse tababare Enrique ayaa sheegay inuusan ogayn inay qarka u fuuleen inay ka hadhaan tartanka oo haddii uu ogaan lahaa wadne xanuun qaban lahaa.

“Miyaa nala reebayay? kulanka kale wax dareen ah ma siinayn, Goormay sidaasi dhacday? maan ogayn midaas, haddii aan ogaan lahaa waxa i qaban lahaa wadne xanuun” ayuu yidhi Enrique.

Sidoo Kale Akhri

Tababaraha Ay Liverpool Ku Beddelayso Jurgen Klopp Oo La Magacaabay Xilli Xaaladda Kooxdu Liidato

February 7, 2023

Hadalkii Vini Jr Ugu Jees-Jeesay Xiddigaha Mallorca Oo La Ogaaday – “Markaad Kubadda Ka Fadhiisataan…”

February 7, 2023

Spain ayaa marka dhinaca kale laga eego ay u fiicnayd inay booska labaad kaga baxdo maadaama oo ay haatana ku beegantay Morocco bedelka Croatia isla markaana wareega 8da haddii ay gaadhaan ay Brazil kala badbaadayaan.