Tababaraha kooxda kubadda cagta Manchester United ayaa ka hadlay xiddigii agh doonayeen saxeexiisa ee Cody Gakpo ee ay Liverpool ka hor qaadday, waxaana uu caddeeyey in ay wali raadinayaan saxeexyo cusub oo ay u baahan yihiin inay is-xoojiyaan.
Liverpool ayaa £45 milyan oo Gini kula saxeexatay Gakpo iyadoo si hoose loo dhamaystiray heshiiska laacibkan oo mar kaliya lagu war helay dhamaytirkiisa, taas oo meesha ka saartay damacii Man United.
Ten Hag oo xagagii tegay kharash gareeyey £220 milyan oo Gini oo uu ciyaartooyo kusoo iibsaday ayaa waxa uu wali doonayaa inuu sameeyo saxeexo cusub, si ay kooxdiisu ugu tartami karto horyaalka Premier League oo ay hadda kaalinta shanaad kaga jirto.
Shirkii jaraa’id ee ka hor ciyaarta Wolves ayaa waxa Erik ten Hag lagu weydiiyey in Liverpool ka hor qaadday Gakpo, waxaanu ku jawaabay: “Mar walba way adag tahay, weeraryahannaduna waa qaali, gaar haan xuuqa jiilaalka.
“Annagu waxa aanu u baahanay ciyaartooyo wanaagsan, kaliya ma aha in aanu tiro soo kordhino. Waxa aanu u baahanahay ciyaartooyo tayo leh, mar walbana waa in aanu ahaano kuwa tartamaya. Waxa kale ay tahay in aanu ogaano dookhyada aanu u baahanahay.
“Waxa aanu raadinaynaa ciyaartoyda ku habboon kooxdayada, balse waa in aanu raacno shuruudahayaga ciyaareed iyo midda dhaqaale.”
Walaal ii waran marka hore