Warbaahinta Portugal ayaa maalmihii ugu dambeeyay waxbadan ka qoraysa xulka Portugal gaar ahaan kaddib markii ay ka hadheen Koobka aduunka Sabtidii iyagoo sababsaday gacanta Morocco.
Dhawaan ayay ahayd markii wargeyska A Bola uu shaaca ka qaaday in wakhtigii tababare Fernando Santos ee Portugal dhammaaday oo la filayo inuu ka tago shaqada dhawaan.
Isla wargeyskaas ayaa sheegaya in tababaraha Cristiano Ronaldo, guud ahaan xiddigaha Portugal iyo xidhiidhka kubadda cagta dalkaasiba u arkaan midka ugu haboon uu yahay macalinka kooxda AS Roma ee Jose Mourinho.
Haatan ayay Portugal ugu baahi badantahay tababare weyn oo awood u leh inuu xakameeyo dhibaatooyinka kaga imanaya saxaafada.
Mudo dheer ayay Mourinho doonistiisa ahayd inuu xul maamulo haatana isaga oo jira 59 sano ayay u muuqataa wakhtigii ku haboonaa ee uu dhinaca qaramada u wareegi lahaa.
Tababaraha Roma ayaan marnaba ilaawin dalkiisa Portugal isagoo inta koobka aduunku socday dhawr jeer muujiyay taageeradiisa xilli uu dalka Japan kula sugnaa kooxdiisa.
Xidhiidhka kubadda cagta Portugal ayaa ka warqaba qaska qolka labiska ka dhex jira gaar ahaan isku dhacii tababare Santos iyo Ronaldo iyo sida uu Jose Mourinho xariif ugu yahay inuu la tacaalo oo daawayn yaqaano nabarada hore.
