Premier League ayaa war-saxafadeed uu soo saaray waxa uu raalligelin ugu diray kooxaha Manchester United, Liverpool, Tottenham, Leeds United iyo naadiyo kale, kaddib markii uu soo baxay jadwalka baahinta kulamada ka dambeeya Koobka Adduunka oo isbeddelo lagu sameeyey.
Horyaalka Premier League ayaa waxa saamayn weyn ku yeeshay koobka adduunka, sida horyaallada dalalka kale ee dunida ee iyaguna hakadka galay, waxaana isbeddelaya qorshihii naadiyada qaarkood ee horyaalka Premier League ee bisha January.
Telefishanka Sky Sports ee haysta xuquuqda baahinta ayaa isbeddel ku sameeyey kulamada bisha January qaarkood oo ay kooxo waaweyn ku ballansan yihiin, waxaanay waliba sheegeen in ay suurtogal tahay in isbeddel kale lagu soo sameeyo kulamadaas haddii ay kooxaha qaarkood u gudbaan wareegyada dambe ee tartanka Carabao Cup.
Maamulka Premier League ayaa waxa uu sheegay, in uu aad uga xun yahay in kulamadii loo doortay baahinta gudaha UK ee January 2023 ee hore loo sii shaaciyey, in uu isbeddel ku imanayo, taageereyaashana ay ka raalligelinayaan arrintaas. Waxa kale oo ay raalligelintan ku sheegeen inay tahay waqti dambe, in taageereyaasha lala wadaago.
Ciyaaraha raalligelinta uu Premier League ka bixiyey ee uu isbeddelka waliba dib loogu dhigay ku yimid ayaa waxay kala yihiin:
Jimce, January 13
- Aston Villa vs Leeds (8pm)
Sabti, January 14
- Man Utd vs Man City (12:30pm)
- Brentford vs Bournemouth (5:30pm)
Axad, January 15
- Newcastle vs Fulham (2pm)
- Tottenham vs Arsenal (4:30pm)
Sabti, January 21
- Liverpool vs Chelsea (12:30pm)
- Crystal Palace vs Newcastle (Sky Sports)
Axad, January 22
- Leeds vs Brentford (2pm)
- Arsenal vs Man Utd (4:30pm)
Isniin, January 23
- Fulham vs Tottenham (8pm)
