Xiriirka kubada cagta Ingariiska ayaa saaka oo Jimce aheyd shaaciyay in garsoore Gil Manzano inuu bedeli doono garsoore Mateu Lahoz kulanka El Clasico ee Sabtida ee u dhaxeeya Real Madrid iyo Barcelona.
Garsoore Lahoz oo dhexdhexaadinayay kulankii Champions League ee Bayern Munich iyo PSG ee habeenkii Arbacada ayaa si rasmi ah loogu magacaabay maalintii Khamiista inuu dhexdhexaadin doono kulanka El Clasico ee Sabtida Madrid ka dhacaya.
Si kastaba, waa laga bedelay haatan inuu qabto kulanka El Clasico ka dib dhaawac soo gaaray taasoo ka dhigeysa in garsoore Gil Manzano uu qaban doono kulanka ka dhacaya Estadio Alfredo Di Stefano.
Warbixin ay soo saareen xiriirka kubada cagta Spain ee marka magaciisa la soo gaabiyo loo yaqaano RFEF ayaa lagu yiri:
“Guddiga garsoorka waxay ka bedeleen garsoore Antonio Matue Lahoz inuu dhexdhexaadiyo kulanka Real Marid iyo Barcelona sababo la xiriira dhaawac muruqa ah oo soo gaaray.
“Waxaa lagu bedelay garsoore Jesus Gil Manzano”
Kooxaga Los Blancos iyo Barcelona ayaa iska horimaanaya waqti ay xilli ciyaareedkooda dhanka wanaagsan u soo jaleeciyeen iyagoo ku riyaaqaya natiijooyin fiican.
Kulankaan ayaa muhiim u ah tartanka horyaalka madaama labadaan kooxood iyo kooxda hogaanka heysa ee Atletico Madrid ay u dhaxeyso kaliya seddex dhibcood.
