Waa Kuma Xiddiga Lama Filaanka Ah Ee Uu Pogba Ku Sifeeyay N'Golo Kante Kulankii France Ee Xalay?

Paul Poga ayaa kaddib kulankii xalay dhex maray dalkiisa France iyo Morocco ee afar dhammaadka koobka aduunka amaan ugu qubeeyay xiddiga No.10 uga dheelaya xulkaas ee Antoine Griezmann.

Pogba ayaa isagu kamida xiddigo badan oo ka maqan xulka France koob aduunkan xilli ay markii labaad ee xidhiidh ah Finalka tartankaas gaadheen.

Griezmann ayaa ku guuleystay abaalmarinta xiddigii ugu fiicnaa kulankaas isagoo si lama filaan ah iskugu bedelay khad dhexe oo kubadda dib ugu soo guuleysanaya marka ay lumiyaan.

Griezmann ayaa asal ahaan weerarka la caawiya Kylian Mbappe, Giroud iyo Griezmann balse soo muujiyay sida sidoo kale difaacashadu qayb uga tahay ciyaartiisa taas oo sababtay in Pogba bartiisa Instagram kula barbardhigo burburiyaha xulkaas dhaawaca kaga maqan ee N’Golo Kante.

Pogba ayaa qaybta “Story”-ga ee bartiisa Instagram soo dhigay sawirka isaga oo u muuqda mid fajacsan kuna soo qoray qoraalka ah “GriezmannKante”.