Waa Kuma Xiddiga Chelsea Ee Saxeexiisa Miiska U Saaray Barcelona Maalmaha Ka Hadhay Suuqa?

Garabka kooxda Chelsea ee Hakim Ziyech ayay warar cusubi sheegayaan inuu saxeexiisa u bandhigay kooxda Barcelona maalmaha ka hadhay suuqa January.

Laacibka ree Morocco ayaa Chelsea kaliya shan kulan ugu soo bilawday xilli ciyaareedkan oo dhan, fursadiisa ayaa u muuqata mid sii xumaatay kaddib lix saxeex oo ay Blues ku dhawaaqeen kaliya bishan.

Sida uu sheegayo wargeyska Sport, Hakim ayaa doonaya inuu iskaga tago Chelsea maadaama oo uu ka baqayo inuu xulashada Graham Potter hoos uga sii dhaco.

Wuxuu dareensan yahay inuu Barca u noqon karo bedelka ciyaaryahanka shalay Atletico Madrid kaga biiray ee Memphis Depay.

In Chelsea ay suuqan oo kaliya lasoo saxeexatay xiddigo booska Ziyech ah oo kala ah Joao Felix, Noni Madueke iyo Mykhailo Mudryk ayaa farriin cad u ah Blues.

Sidoo Kale Akhri

Manchester City: Mishiinkii Lacagta, Ciyaartoyda Dembiga Geliyey Ee Ay La Saxeexatay Iyo Xiddigaha Lagu Amrayo Inay Iska Tagaan

February 6, 2023

SAADAAL: Supercomputer Oo Saadaal Cusub Ka Sameeyey Premier League Kaddib Guul-darradii Arsenal Iyo Ganaaxa Manchester City

February 6, 2023

Sport ayaa sheegay in Ziyech uu horeba liiska xiddigaha ay doonayso Barca ugu jiray sanadkii hore kahor inta aysan Adama Traore iyo Ferran Torres ka dooran.

Tan iyo markii uu Chelsea 37-ka Milyan oo pound ugu yimid 2020 ayuu Hakim 97 kulan 14 gool iyo 11 caawimo ugu soo sameeyay.