Cristiano Ronaldo ayaa ku biiray kooxda Al Nassr isla markaana diyaar u ah inuu saamayn yeesho, kooxda ree Saudi Arabia ayaa kharash badan ku gashay saxeexiisa oo rajaynaysa inuu muhiim u noqdo koox wanaagsan.
Ronaldo ayaa hubaal noqonaya tixraaca Al Nassr balse kaddib imaanshihiisa ayuu doonayaa sidoo kale saxeexa saaxiibkiisa Portugal ee ay Real Madrid-na hore uga soo wada tirsanaayeen ee Pepe.
Sida lagu sheegay warbixinta oo ka timid wargeyska Marca, magaca Pepe ayaa ahaa midkii koowaad ee miiska lasoo saaray markii uu Ronaldo gaadhay magaalada Riyadh.
Dhawaan ayay ahayd markii madaxweynaha kooxda FC Porto oo daafaca 39 sano jirka ah ee kooxdiisa ka hadlayaa uu ku amaanay inuu yahay mid ciyaari kara ilaa inta uu doono.
Pepe iyo Ronaldo ayaa asxaab aad u dhaw ku ahaa Real Madrid iyagoo xataa wada jiray wakhtiyadii ugu adkaa sida wakhtigii Jose Mourinho.
Sidoo kale waxay ahaayeen udubka xulka Portugal ee in ka badan 15 sano iyagoo wada ciyaaray xataa tartankii ugu dambeeyay ee Koobka aduunka.
Xiddigaha kale ee ay Al Nassr doonayso ayay kamid yihiin Luka Modric, Sergio Ramos oo iyaguna hore Pepe iyo Ronaldo ula soo wadaagay Madrid.
