Halyeyga Brazil ee Ronaldo Nazario ayaa ku raacay tababaraha Arsenal ee Mikel Arteta in xiddiga ka tirsan Gunners uu ka mid yahay ciyaartoyda ugu wanaagsan waqtigan ee ka qayb-gelaysa Koobka Adduunka, kaddib markii uu beddel kusoo galay laba kulan oo Koobka Adduunka sidoo kalena uu bandhig heersare ah ka sameeyey horyaalka waddanka Ingiriiska ee Premier League xilli ciyaareedkan.
Ronaldo Nazario ayaa waxa uu ammaan kula dul-dhacay Gabriel Jesus oo uu ku sifeeyey mid ka mid ah ciyaartoyda ugu wanaagsan ee weerarka ee Koobkaa Adduunka ka qayb-gelaya.
Gabriel Jesus oo la filayo inuu kusoo bilowdo ciyaarta Cameroon ee maanta oo uu beddelo Richarlison oo ay u badan tahaay in la nasin doono maadaama dalkiisu mar horeba usoo gudbay wareegga 16-ka inkasta, ayaa waxa Ronaldo Nazario oo la hadlayay wargeyska GE Globo waxa uu yidhi: “Gabriel Jesus maanta waxa uu ka mid yahay weeraryahannada ugu wanaagsan dunida, aad ayaanu u koray marka loo eego 2018. Goolashu waxay u iman doonaan si dabiici ah, mana aha inay maskaxdiisa ka baxaan. Isagu waxa kaliya ee ay tahay inuu sameeyo waa inuu garoonka dhaxdiisa ka shaqeeyo, waanu garanayaa waxa uu samaynayo.”
Tababaraha Arsenal ee Mikel Arteta ayaa hore hadalka Ronaldo Nazario oo kale uga sheegay Gabriel Jesus, waxaanu ku tilmaamay mid ka mid ah ciyaartoyda ugu wanaagsan adduunyada, gaar ahaan afka hore ee weerarka.
