Casemiro ayaa suuqii xagaaga kusoo biiray Manchester United iyadoo kooxdu ku jirto xilligii ugu xumayd isagoo uga soo wareegay Real Madrid oo uu malmahaas uun kula guuleystay UEFA Super Cup.
Man United ayaa qaab xun ku bilaabatay xilli ciyaareedka iyadoo labadii kulan ee ugu horreeyay ay Brentford iyo Brighton guulo ka gaadheen.
Brentford ayay ahayd kooxda xasuuqday iyadoo 4-0 kaga guuleysatay kulan ka dhacay G-Tech Stadium, kulankaas kaddib ayaa la sheegay in Casemiro uu farriin qoraal ah u diray wakiilkiisa.
Sida lagu sheegay wargeyska Telegraph, Casemiro ayaa qoraal kula hadlay wakiilkiisa oo Man United hore xidhiidh ula sameeyay wuxuuna ku yidhi “U sheeg inaan hagaajin doono waxan”.
Man United ayaa dhibta ugu weyn ka qabtay booska burburiyaha khadka dhexe iyadoo mudo dheer doorkaas u adeegsanaysay Fred iyo Scott McTominay oo aan labaduba lahayn tayo ay halkaas kaga ciyaaraan.
30 sano jirka ree Brazil ayaa u muuqda mid xasiliyay haatan Red Devils isagoo muhiim ka ah shaxda tababare Erik Ten Hag oo ku sifeeyay “Sibidhka u dhaxeeya dhagxaanta”.
Casemiro ayaa la filayaa inuu maanta door weyn ka ciyaaro kulanka Manchester Derby ee ay Man United Old Trafford ku qaabilayso jaarkeeda Man City.
