Toddoba ciyaartoy ayaa si xor ah uga tegi doona Barcelona marka uu dhamaado xilli ciyaareedkan socda, taas oo kooxda ku keeni doonta in ay ciyaartooyo yaraani ku dhacdo, sidoo kalena ay qaarkood si weyn u tabi doonaan.
Barcelona ayaa mashquul ku ah sidii ay xal buuxda ugu heli lhayd mustaqbalka ciyaartoydan oo qaarkood la rumaysan yahay in ay durba diyaar u yihiin inay kooxo kale wada-hadallo la yeeshaan bisha January ee maalmaha kooban ka hadhsan yahay.
Suuqii xagaagii ayay Barcelona samaysay toddoba saxeex oo cusub, laakiin dhawr bilood kaddib waxa furmaya albaabka bixitaanka oo ay ka dareeri doonaan dhawr ciyaartoy oo uu ugu horreeyo xiddiga reer Netherlands ee Memphis Depay oo si xor ah uga tegi doono Camp Nou dhamaadka xilli ciyaareedkan.
Depay ayay dad badan saadaalinayaan in xataa aanu sugi doonin dhamaadka xilli ciyaareedka oo uu ka tegi doono bisha January iyadoo waliba aanay kooxdiisa Barcelona wax lacag ah ka helin inkasta oo maarkii horeba uu si xor ah ugu soo biiray.
Difaaca bidix ee reer Spain ee Marcos Alonso waxa uu ka shallaynayaa in uu iskaga tegay Chelsea, waxaana ku dhacday boos la’aan iyo in wax fursad ah la siin waayay, waxaana la sheegay in tababare Xavi Hernandez uu hadda u arko inuu dheeraad ku yahay kooxda maadaama David Alaba iyo Balde ay kaga horreeyaan xulashada booska difaaca bidix.
Hector Bellerin iyo Sergi Roberto ayaa la sheegay in iyaguna ay ku jiraan liiska xiddigaha baxaya, balse laacibka weyn ee ay Barcelona isku dayayso inay sii xajisato ayaa ah kabtankeeda Sergio Busquets oo qandaraaskiisu ku egyahay dhamaadka xilli ciyaareedkan.
Goolhayeyaasha Arnau Tenas iyo Inaki Pena ayaa labadaba aanu mustaqbalkoodu sugnayn, waxaana la sheegayaa inay si xor ah uga tegi doonaan Camp Nou.
Qoraalku ma saxna wall David alaba maxaa meesha keenay
David Alaba kulahaa ala ku wani horta ma xashiishad baa qabiga madoobaysay