Inay wada joogaan oo meel wada dagaan laba qof oo aan guur ka dhaxayn ayaa ah mid mamnuuc ka ah dalka Sucuudiga si loo ilaaliyo dhaqanka wanaagsan ee diinta Islaamka.
Haddaba. su’aasha la is-weydiinyay dhawaanahan ayaa ah sida uu halkaas ugu noolaan doono ciyaaryahan Cristiano Ronaldo oo ay saaxiibtinimo ku wada joogaan gabadha lagu magacaabo Georgina Rodriguez.
Wali lama cadda haddii qoyska Ronaldo ay la degi doonaan oo iyaguna u guuri doonaan dhinaca Saudi Arabia gaar ahaan magaalada Riyadh.
Si kastaba, laba gar-yaqaan oo dalkaas ku sugan ayaa u sheegay wargeyska ree Spain ee EFE in Ronaldo uu awoodi doono inuu la noolaado qoyskiisa waxkasta oo dhaca.
Mid kamida gar-yaqaanadaas oo la hadlay EFE ayaa yidhi “Dhawaanahan marka ay noqoto dadka qurbaha ka yimid, maamulka Sucuudigu masoo faro-galiyaan arrintan xataa haddii sharcigu mamnuucay in lamaanayaasha aan isqabin aysan wada noolaan karayn”.
Dhawr sano kahor arrintan ayaa ahayd mid aan xataa su’aali ka taagnayn balse sharciyada Saudi Arabia ayaa wax badan oo kamida la wiiqay tan iyo imaanshihii dhaxal-suge Maxamed Bin Salman ee sanadkii 2017.
