Manchester United ayaa ugu dambayntii u muuqata inay noqotay koox tartamaysa oo kasoo baxday waqtigii adkaa, inkasta oo wali ay ka liigayaan afka hore ee weerarka oo ay u baahan yihiin dhaliye cabiici ah oo ka tayo iyo tamar badan Marcus Rashford.
Manchester United ayay horyaalka Premier League oo ay ku guuleysato ugu dambaysay sannadkii 2013, balse sansaantooda xilli ciyaareedkan ayaa muujinaysa inay ku taagan yihiin tub wanaagsan oo dibu-dhis ah oo ay sannadaha soo socda ku hanan karayaan horyaalka Premier League.
Tababare Erik ten Hag ayaa muddo kooban ku xalliyey dhibaatooyinkii waaweynaa ee kooxda haystay, waxaase uu doonayaa in suuqii labaad ee kusoo mara Old Trafford uu ka adeegto oo meelaha gol-daloolooyinku ka jiraan uu iska daboolo.
Labadii meelood ee dhibaatada ugu weyni ka haysatay Manchester United ayaa hadda ah labada ay ugu xooggan tahay, waxaana xalliyey laba ciyaartoy oo si buuxda ugu caddeeyey jamaahiirta kooxda in halka ay joogaan aanay cidina uga soo dhacaynin.
Christian Eriksen ayaa hoggaanka u dhiibay Manchester United kulanakii Nottingham Forest, waxaanauu mar kale laad xor ah oo uu soo qaaday uu awooday inuu soo dhaafiyo difaacyahannada, waxaana gool u beddelay Casemiro oo waliba lugtiisa midig adeegsanaya.
Waxay ahayd waqti ay labadii saxeex ee xagaagii isku dhiibeen goolasha, iyaga oo dhinaca kalena kooxda kusoo kordhiya hal-abuur, deggenaansho, cidhiidhi ay kooxda kale saarayaan iyo hirgelinta falsafaddii tababare Erik ten Hag.
Casemiro ayaa mar kale ahaa ciyaartoyga maamulayay khadka dhexe ee bandhigga heerka sare ah samaynayay, halka Eriksen uu gaoronka ka ahaa geesiga aan loo heesin ee isaga oo aanay kaamirooyinku si weyn u ahaynin haddana shaqada badan qabanayay.
30 jirka reer Denmark ee Eriksen ayaa afartii ciyaarood ee ugud ambeeyey waxa uu sameeyey saddex caawimood, waxaanay intooda badan ahayeen lad xor ah, waana arrin ay kooxdu ku dhibaatoonaysay xilli ciyareedkii hore oo ciyaartoyda usoo tuuraya laadka xorta ah aanay kubadda geynayn halka ciyaartoyda Man United joogaan.
Casemiro ayaa isaguna ka sokow waardiyaha uu ka yahay difaaca, waxa uu kooxda kusoo kordhiyey deggenaansho iyo kalsooni ay ka qabaan in aan si fudud gool looga dhalin karayn, waxaana u dheer baasas qurux badan oo uu khadka dhexe ku burburinayo.
