Tababaraha xulka qaranka England ee Gareth Southgate ayaa kaydka dhigaya weeraryahanka Manchester United ee Marcus Rashford kulanka adag ee caawa ay Senegal ku waajahayaan wareegga 16ka Koobka Adduunka. Rashford oo ah ciyaartoyga ugu goolasha badan England Koobka Adduunka ee ka socda waddanka Qatar, isla markaana saddex gool dhaliyey la sheegay in uu kaydka geli doono.
Shaxda uu Gareth Southgate ku ciyaarayo kulankan oo lasoo dusiyey ayaa waxa uu fursad uu isku muujiyo siin doonaa Phil Foden oo laga doorbidi doono Rashford, kaddib markii uu ciyaar heersare ah soo bandhigay kulankii Wales.
Foden ayaa weerarka kula soo bilaaban doona Harry Kane oo aan wali wax gool ah ka dhalinin Koobka Adduunka iyo sidoo kale Bukayo Saka oo laba gool saxeexay intii uu tartanku socday.
Kyle Walker ayaa difaaca midig kala bixi doona Kieran Trippier oo kaydka u dhici doona, taas oo ka dhigan in Trent Alexander-Arnold aanu wax fursad ah ka heli doonin xulka dalkiisa ee Koobka Adduunka oo uu kaydka ku jiri doono.
Harry Maguire, John Stones iyo Luke Shaw ayaa lama taabtaan ka ah difaaca xulka qaranka England, waxaana hadda soo raacaya Kyle Walker oo kasoo kabtay dhaawac sababay inuu labadii ciyaarood ee ugu horreeyey ka maqnaado, waxaana u taalla shaqo adag oo ah inuu xakameeyo weerarka orodka badan ee xulka qaranka Senegal.
Kabtanka Liverpool ee Jordan Henderson ayaa kasoo hormari doona Mason Mount oo warbaahinta Ingiriisk ee heshay liiska xulka England ee ciyaarta caawa ay sheegtay in kaydka loo dirayo, waxaana sidoo kale khadka dhexe kula soo bilaaban doona Jude Bellingham iyo Declan Rice.
Shaxda xulka qaranka England kula ciyaarayo Senegal ee la sheegay in saxaafadda Ingiriiska loosoo dusiyey: Pickford; Walker, Stones, Maguire, Shaw; Rice, Bellingham, Henderson; Foden, Kane, Saka
Nio haddi shaxdaa aad so dhigteen wax laga badalo waxaan unlike dhihi pagkinan waxa kale oon araky in isla shaxdi kula wales ay ku ciyaari doonto england waxana ka arkay sky sports beentini ayaa badatay waa malinti partan igu danbayn lahayd hadi warbixintaas wax laga badalo