Barcelona iyo Real Betis ayaa foodda isku daraya garoonka King Fahd Stadium ee magaalada Riyadh ee waddanka Sucuudiga kulan ka tirsan semi-finalka Spanish Supercup, waxaana midkooda guuleystaa uu finalka ugu tegi doonaa Real Madrid oo ay Axadda kala calaf-qaadi doonaan.
Kulankan oo uu dhaxdhaxaadinayo garsoore Carlos del Cerro Grande oo uu VAR ka caawinayo Ignacio Iglesias Villanueva si meesha looga saaro cabashada badan ee ay Barcelona muujinaysay usbuucyadii u dambeeyey, ayaa waxa uu tababare Xavi Hernandez kusoo bilaabay Ronald Araujo oo la sheegay in maanta ay jug kasoo gaadhay tababarka isla markaana shaki la gelinayay.
Weerarka ayuu kusoo laabtay Robert Lewandowski oo ganaax kaga maqnaa ciyaartii horyaalka ee toddobaadkan, waxaana afka hore ku wehelinaya Ousmane Demble iyo Raphinha oo ay khadka dhexe ka caawinayaan Pedri, De Jong iyo Gavi.
Difaaca ayay ka dheelayaan Jules Kounde iyo Ronald Araujo oo ay dhinacyada ka xigaan Jordi Alba iyo Sergi Roberto halka kaydka loo diray ciyaartoyda kala ah Busquets, Fati, Christensen iyo Balde.
Shaxaha Rasmiga ah ee labada kooxood
BARCELONA XI: Ter Stegen; Roberto, Kounde, Araujo, Alba; Gavi, De Jong, Pedri; Raphinha, Lewandowski, Dembélé
Kaydka: Peña (GK), Tenas (GK), Christensen, Eric, Alonso, Balde, Busquets, Kessie, Ferran, Fati, Memphis
REAL BETIS XI: Bravo; Ruibal, Pezzella, Felipe, Miranda; Rodríguez, Canales; Henrique, Rodri, Fekir; Iglesias
Kaydka XI: Silva (GK), Martín (GK), González, Ruiz, Sabaly, Montoya, Carvalho, Akouokou, Guardado, Camarasa, Juanmi, Joaquin, Loren, José
