Manchester United ayaa garoonkeeda Old Trafford ku martigelinaysa naadiga mushkiladda badan ku jira ee Everton wareegga saddexaad ee FA Cup, waxaana uu Erik ten Hag muujiyey sida ay uga go’an tahay in uu ku tartamo dhamaan tartamada, isaga oo kusoo bilaabay shax adag.
Everton oo ku jirta khadka cas ee horyaalka Premier League ayaa iyaduna u baahan guul si ay u badbaadiyaan tababare Frank Lampard oo toddobaadkii hore ay warbaahintu sheegtay in la qoray warqaddiisa shaqo ka caydhinta, laakiin ku badbaaday barbarrihii Man City.
Erik ten Hag ayaa kusoo galay shax adag, waxaana uu kusoo bilaabay Marcus Rashford, Anthony Martial iyo Antony oo afka hore ee weerarka ka wada ciyaaraya, halka khadka dhexena ay Bruno Fernandes, Christian Eriksen iyo Casemiro ka wada dheelayaan.
Difaaca ayaa uu Eriksen isbeddel ku sameeyey, waxaana uu difaaca dhexe uu ka wada ciyaarsiiyey Raphael Varane iyo Luke Shaw halka ay dhinacyadana ka xigaan Diogo Dalot iyo Tyrell Malacia.
Kaydka ayaa lagu illoobay Lisandro Martinez oo waqti fasax ah ku maqnaa markii uu xulkiisu ku guuleystay Koobka Adduunka, waxa se isbeddellada difaacu ay bahdilaad ku tahay Harry Maguire iyo Victor Lindelof oo kaydka la fadhiyda Wan-Bissaka, Fred, MacTominay, Elanga iyo Garnacho.
Shaxaha rasmiga ah ee labada kooxood
Manchester United XI: De Gea, Dalot, Varane, Shaw, Malacia, Casemiro, Eriksen, Fernandes, Antony, Rashford, Martial.
Kaydka: Heaton, Lindelof, Maguire, Martinez, Wan-Bissaka, Fred, McTominay, Elanga, Garnacho.
Eeverton XI: Pickford, Coleman, Godfrey, Coady, Tarkowski, Mykolenko, Onana, Gana, Iwobi, Gray, Maupay
Kaydka: Begovic, Holgate, Mina, Doucoure, Davies, Simms, McNeil, Gordon, Calvert-Lewin.
