Cody Gakpo ayaa ciyaaraya kulankiisii koowaad ee Liverpool, waxaanu kusoo bilowday ciayarta Wolves ee wareegga saddexaad ee FA Cup ee garoonka Anfield.
Jurgen Klopp oo ay kooxdiisu ka dhutinaysay garabka bidix ee weerarka ayaa waxa uu ka ciyaarsiiyey Cody Gakpo oo £37 milyan oo Gini ay kaga soo iibsadeen PSV Eindhoven toddobaadkii hore, waxaanay afka hore ee weerarka wadaagayaan Darwin Nunez iyo Mohamed Salah oo iyaguna kusoo bilowday.
Afar isbeddel ayuu Jurgen Klopp ku sameeyey safkii uu kula ciyaaray Brentford Isniintii, waxaana shaxda hore kusoo laabtay Andy Robertson oo beddelay Tsimikas, halka Joel Matip uu beddelay Virgil van Dijk oo dhaawac ku maqan, waxaana difaaca ku wehelinaya Ibrahima Konate iyo Alexander-Arnold.
Jordan Henderson ayaa kasoo kabtay jug soo gaadhay, waxaanu khadka dhexe kala ciyaarayaa Thiago Alcantara iyo Fabinho.
Kaydka Liverpool ayay ku jiraan Nabay Keita, Ben Doak, Oxlade-Chamberlain, Elliott, Tsimikas, Carvalho iyo Gomez.
Shaxaha rasmiga ah ee labada kooxood
Wolves XI: Alisson, Alexander-Arnold, Matip, Konate, Robertson, Fabinho, Thiago, Henderson, Gakpo, Salah, Nunez
Kaydka: Kelleher, Gomez, Keita, Oxlade-Chamberlain, Elliott, Tsimikas, Carvalho, Phillips, Doak
