Waxay ahaayeen laba kooxood oo ku tartamaya horyaalka, laakiin maanta waa ay ceebaysan yihiin waxaanay ku dagaallamayaan badhtamaha miiska kala-sarraynta iyadoo ciyaartoydoodu ay hadda ku sugan yihiin garoonka Anfield oo midkooda laga adkaado uu hoos usii degi doono.
Liverpool ayaa garoonkeeda ku qaabbilaysa Chelsea, waxaana uu tababare Jurgen Klopp dib u helay Darwin Nunez oo uu kaydka kusoo bilaabay maadaama uu dhaawac kasoo noqday. Waxa sidoo kale fadhiya Alexander-Arnold, Joel Matip, Jordan Henderson, Fabinho iyo Oxlade-Chamberlain, iyadoo waliba ay dhaawac ku maqan yihiin xiddigo waaweyn.
Klopp ayaa kusoo bilaabay Cody Gakpo iyo Mohamed Salah oo afka hore ka wada ciyaaraya, halka khadak dhexena ay wada taagan yihiin Naby Keita, Harvey Elliott, Bajcetic iyo Thiago Alcantara.
Waxa kale oo uu isbeddel ku yimid diifaaca oo ay Ibrahima Konate iyo Joe Gomez wada taagan yihiin iyadoo ay dhinacyadana ka xigaan James Milner iyo Andy Robertson.
Chelsea ayaase kusoo gashay shax xooggan, inkasta oo ciyaartooyo waaweyn ay kaydka kasoo muuqdaan. Saxeexii cusbaa ee Mykhailo Mudryk ayaa kaydka fadhida, sidoo kalena Azpicueta iyo Koulibaly ayaa iyaguna kaydka kasoo muuqda.
Weerarka Chelsea ayay ka wada ciyaarayaan Kai Havertz iyo Hakim Ziyech oo uu caawinayo Mason Mount, halka khadka dhexena ay is-garab taagan yihiin Jorginho, Gallagher, Marc Cucurella iyo Hall.
Difaaca dhexe ayay saddex ciyaartoy ka wada dheelayaan, waana Badiashile, Thiago Silva iyo Chalobah.
Shaxaha rasmiga ah ee labada kooxood
Liverpool XI: Alisson, Gomez, Konate, Thiago, Milner, Keita, Salah, Gakpo, Elliott, Robertson, Bajcetic.
Kaydka: Kelleher, Fabinho, Henderson, Oxlade-Chamberlain, Jones, Tsimikas, Nunez, Matip, Alexander-Arnold.
