Xulalka qaramada England iyo Iran ayaa foodda isku daraya garoonka Khalifa International Stadium, kulanka labaad ee Koobka Adduunka ee sannadkan oo shalay lagu furay Qatar iyo Ecuador.
Tababaraha xulka qaranka England oo ogsoon in ay cadaawad weyni ka dhaxayso Iran ayaa kusoo bilaabay shax adag oo ku dhisan qaab weerar ah, waxaana afka hore ka wada ciyaaraya Harry Kane, Raheem Sterling iyo Bukayo Saka, hase yeeshee waxa uu kaydka u diray Phil Foden oo dad badan filayeen inuu kusoo bilaaban doono.
Khadka dhexe ayay kusoo wada bilowdeen Declan Rice, Jude Bellingham iyo Mason Mount, halka difaaca dhexe ay Harry Maguire iyo John Stones ka wada ciyaarayaan, waxaase dhinacyada ka xiga Kieran Trippier oo difaaca midig kaga soo hormaray Trent Alexander-Arnold iyo Luke Shaw.
Xulka qaranka Iran ayaa waxa iyagana hoggaaminaya Nourollahi oo afka hore ee weerarka ay ka wada ciyaarayaan Hosseini iyo Karimi, halka ruug-caddaayada Taremi iyo Cheshmi ay khadka dhexe la adkaynayaan Pouliganji iyo Jahanbakhsh.
Shaxaha rasmiga ah ee xulalka England vs Iran
England XI: Pickford, Stones, Maguire, Trippier, Rice, Bellingham, Mount, Shaw, Saka, Kane, Sterling.
Iran XI Beiranvand, Moharrami, Hajsafi, Mohammadi, Jahanbakhsh, Pouraliganji, Taremi, Cheshmi, Karimi, Hosseini, Nourollahi.
