Liverpool ayaa ku sugan garoonka Amex Stadium oo ay marti ugu tahay Brighton, waxaanay Reds u dagaallamaysaa inay kusoo laabato jidka guusha horyaalka Premier League maadaama ciyaarteedii ugu dambaysay ay Brentford kusoo garaacday 3-1.
Jurgen Klopp ayaa sameeyey isbeddello, waxaana uu ciyaartiisii koowaad ee horyaalka Premier League kusoo bilaabay saxeexa cusub ee Cody Gakpo, hase yeeshee waxa dhaawac kaga maqan Darwin Nunez oo liiska maqaneyaasha kula biiray Diogo Jota, Luis Diaz iyo Roberto Firmino.
Afka hore ee weerarka ayay kusoo wada bilowdeen Mohamed Salah iyo Cody Gakpo, waxaana khadka dhexe taagan Jordan Henderson, Fabinho, Thiago Alcantara iyo Oxlade-Chamberlain, halka daafa dhexe uu Ibrahima Konate kula soo bilowdaay Joel Matip maadaama uu maqan yahay Van Dijk oo muddo bil ah u jiifaya dhaawac.
Labada difaac ee dhinacyada ayay Andy Robertson iyo Alexandere-Arnold ka ciyaarayaan, halka ay kaydka fadhiyaan Naby Keita, Gomez, Milner iyo Harvey Elliott.
Shaxaha Rasmiga ah ee labada kooxood
Liverpool XI: Allison, Alexander-Arnold, Konate, Matip, Robertson, Fabinho, Henderson, Thiago, Oxlade-Chamberlain, Gakpo, Salah
Kaydka: Kelleher, Gomez, Milner, Keita, Jones, Elliott, Tsimikas, Carvalho, Doak
