Xulka Ingariiska ayaa weli ka murugeysan in shalay ay ka hareen Kobka Adduunka ka dib markii ay guuldarro xanuun leh ka soo gaartay xulka Faransiiska oo 2-1 ku garaacay.
Taageerayaasha Three Lions ayaa weli ka niyadjabsan wixii shalay ka dhacay garoonka Al Bayt iyagoo aaminsanaa in xulkooda uu koobkaan qaadayo markii ugu horeysay tan iyo 1966kii.
Kooxda Arsenal ayaana ka sii careysiisay taageerayaasha Ingariiska ka dib qoraal iyo sawir ay soo dhigtay bogeeda Twitter ka dib guuldaradii shalay.
Arsenal ayaa ku faantay in daafaceeda Faransiiska William Saliba uu ka ciyaarayo semi-finalka taasoo ka careysiisay taageerayaasha Ingariiska oo u fahmay inay ku durayaan weeraryahanka Tottenham Harry Kane oo sabab u noqday in England ay harto.
Our Wilo 👊
A World Cup semi-finalist ❤️ pic.twitter.com/lVCMV9C0XD— Arsenal (@Arsenal) December 10, 2022
Arsenal ayaa soo qaadatay daafacooda oo huwan calanka Faransiiska waxayna ku soo qoreen: “Wilo-geena. Waa semi-finaliiste Koobka Adduunka ah iyagoo raaciyay calaamada wadnaha.”
Taageerayaasha ayaana ku canaantay Arsenal inay sawirka iyo qoraalkaan soo dhigaan xilli Ingariiska la reebay.
“Tani ma ahan go’aankiinii ugu fiicnaa” ayay aheyd fariimaha badan ee loo qoray. Halka qaar badan ay yiraahdeen “Doqomo, waxaad tihiin koox Ingariis ah.”
England ayaa fursad weyn oo ay ciyaarta ku barbareyn laheyd iska qasaarisay marki Harry Kane uu rigoore dusha sarre mariyay taasoo keentay in Faransiiska ay u soo gudban wareega afar dhamaadka.
