SADDEXDA Xiddig Ee France Ka Bedeli Kara Benzema Oo Dhaawacmay & Haddii Martial Ku Jiro

Waxa xalay si rasmi ah loo xaqiijiyay in weeraryahan Karim Benzema ku biiray liiska xiddigaha dhaawaca kaga maqnaan doona koobka aduunka isagoo ka hayaamaya xerada xulka France iskugu diyaarinayo difaacashada tartankaas.

Benzema ayaan muddooyinkii ugu dambeeyay oo dhan u ciyaarin kooxdiisa Real Madrid isagoo dhaawac muruq ah kaga maqnaa kooxda macalin Carlo Ancelotti.

Didier Deschamps ayaa xulka France uga wacay Karim isagoo aaminsanaa inuu diyaar u noqon karo tartanka Koobka aduunka balse xalay ayuu haleelay dhaawac cusub oo bawdada ahi.

Haatan sida uu sheegayo wargeyska ree Spain ee Diario AS, saddexda weeraryahan ee ugu cad cad ee 34 sano jirkaas ka bedeli kara xulka Les Bleus ayaa kala ah Martin Terrier, Wissam Ben Yedder iyo Diaby.

Taas ayaa ka dhigan inuusan tababare Deschamps waxba u haynin weeraryahanada Man United iyo Lyon ee Anthony Martial iyo Alexandre Lacazette.

Sidoo Kale Akhri

Manchester City Oo Qabsatay Qareen Toddobaadkii Ay Siinayso £400,000 Gini Si Uu Uga Badbaadiyo Ganaaxyada Culus

February 7, 2023

DEG-DEG: Carlo Ancelotti Oo Shaqada Laga Caydhinayo Toddobaadkan

February 7, 2023

Benzema ayuu dhaawacani qalbi jab weyn ku yahay maadaama oo Koobkii aduunka ee ugu dambeeyay ee uu France u ciyaaray ahaa 2014.