Horyaalka waddanka Ingiriiska ee Premier League waxa toddobaadkan dhacayaa kulamo adag oo natiijooyinkoodu ay isbeddel ku samayn doonaan sida uu u yaallo miiska kala-sarrayntu, waxaana si weyn isha loogu hayaa isku-dhaca Arsenal oo hoggaanka haysa iyo Manchester United oo saddexaad fadhida.
Waxa kale oo toddobaadkan ballansan Chelsea oo tobnaad fadhida oo safar ugu tegi doonta Liverpool oo Sabtida garoonka Anfield ku qaabbili doonta Blues oo ay u tahay ciyaartoodii koowaad ee xilli-ciyaareedkan sababtoo ah kulankoodii bishii October dib ayaa loo dhigay.
Khabiirka kubadda cagta ee Chris Sutton ayaa saadaashiisa usbuuclaha ah oo uu soo saray waxa uu kga nixiyey Manchester United oo uu guul-darro ugu bushareeyey, halka Graham Potter iyo Jurgen Klopp aanu midkoodna guul heli doonin.
Chris Sutton ayaa yidhi: “Manchester United nasiib ayay kaga badisay Arsenal kulankoodii bishii September ee Old Trafford. Waxay ila tahay in laabada kooxoodba ay awood u leeyihiin inay guuleystaan laakiin waxay ka dheeli doonaan weerar rogaal-celis ah.”
Sutton oo hadalkiisa sii wata ayaa intaa raaciyey: “Laakiin Arsenal ayaa haysata kalsooni buuxda, goolhayahooda Aaron Ramsdale na si heersare ah ayuu u ciyaarayaa. Iyaga ayaa guuleysanaya.”
Khabiirku waxa uu sheegay, in Arsenal ay saddex gool ku hubsan doonto goolka uu waardiyaha ka yahay David de Gea, sidoo kalena hal gool laga dhalin doono, halka Chelsea iyo Liverpool uu u saadaaliyey inay dhibcaha ku qaybsan doonaan Anfield.
Halkan kaga bogo saadaasha kulamada usbuuca ee horyaalka Premier League
Sabti
Liverpool 1-1 Chelsea
Bournemouth 0-1 Nottingham Forest
Leicester City 1-2 Brighton
Southamapton 1-1 Aston Villa
West Ham 0-0 Everton
Crystal Palace 1-1 Newcastle United
Axadda
Leeds United 2-2 Brentford
Manchester City 2-0 Wolves
Arsenal 3-1 Manchester United
Isniinta
Fulham 2-1 Tottenham
