Horyaalka waddanka Ingiriiska ee Premeir League ayaa la ciyaarayaa kulamadii 17aad inkasta oo naadiyo badan ay u noqonayso usbuucoodii 16aad oo ay ciyaaro baaqi u yihiin.
Khabiirka ciyaaraha ee Chris Sutton ayaa saadaaliyey kulamada usbuucan, waxaana uu sii xoojiyey tartanka hoggaanka sare ee horyaalka Premier League oo ay Arsenal shan dhibcood ku hayso, inkasta oo Man City ay dib ugu soo laabatay kaalinta labaad oo ay si ku-meelgaadh ah u lumisay Isniintii.
Dhamaadka bisha January oo ahayd waqtiga uu horyaalka Premier League ugu mashquulka badan yahay ayaa waxa sannadkan dhabqiyey Koobkii Adduunka, hase yeeshee saddex maalmood gudahood ayay naadiyadu markii labaad ciyaarayaan.
Liverpool ayaa garoonkeeda kusoo dhoweyn doonta Leicester City, waxaana uu khabiirka BBC Sports ee Sutton uu saddexda dhibcood siiyey Liverpool oo uu waliba ugu daray saddex gool, laakiin kooxaha reer London ee West Ham iyo Brentford oo ku kulmaya London Stadium ayaa dhibcaha qaybsan doona.
Isbedello waaweyn ayaa dhici doonta toddobaadkan sida ay saadaashu sheegtay, waxaana la qaban doonaa oo guul-darradii labaad ee xilli ciyaareedka loo xambaarin doonaa Brighton & Holve Albion. Haddii ay tani rumowdo, waxa ay ka dhignaan doontaa in Gunners ay laba dhibcood oo kaliya ku hayn doonto hoggaanka.
Sidoo kale, Tottenham ayaa barbarro la geli doonta Aston Villa, waxaana fursaddaas ka faa’iidaysan doonta Manchester United oo dhibic kaliya ka hoosaysa oo soo geli doonta kaalinta afraad iyada oo laba dhibcood dhaafi doonta Spurs.
Manchester City ayaa iyaduna xasuuq weyn geysan doonta, waxaana uu weeraryahankeeda Erling Haaland ku goolal tirsan doonaa Everton oo uu waqtigu ku adag yahay, waxaana la filayaa in haddii ay sidaasi dhacdo shaqada laga caydhiyo Frank Lampard oo horeba loo sheegay in la qoray warqaddii lagu eryi lahaa.
Chelsea ayaa iyaduna sare usookici doonta dhibco ahaan, laakiin waxay kusii jiri doonaan kaalinta siddeedaad maadaama ay saadaashu sheegayso in kooxaha toddobaad iyo lixaad ku jira ee Brighton & Liverpool ay guuleysanayaan.
Saadaasha khabiirka cusub ee BBC Sports ee usbuuca 17aad ee Premier League
Jimce
West Ham 1-1 Brentford
Liverpool 3-1 Leicester City
Sabti
Wolves 1-2 Manchester United
Bournemouth 1-1 Crystal Palace
Fulham 2-0 Southampton
Manchester City 5-0 Everton
Newcastle 2-0 Leeds United
Brighton 2-1 Arsenal
Axad
Tottenham 2-2 Aston Villa
Nottingham Forest 2-1 Chelsea
kkkkkkkkkk united fanis inaad aheydeen waan ogeyn war bahasha cusbo u yeela Arsenal 5 :0 ayey ku badineysaa totaham 2:1 ayey ku badineysaa united 3:0 ayaa candhada laga galinayaa chalsea sidoo kale wey badineysaa sakiin liq hee
Arsenal way badinaysa horyaalkana way qaadi doonta Insha Allah
Arsenal is always arsenal wish u success
Isagaa qoray Brighton Albion waa lava badinayaa bal qoraalkaaga sib u fiiri Misa kale qayb iyo wax dhacaya gaal xumi waxba kama oga