Taageerayaasha kubada cagta ayay lama filaan weyn ku noqotay go’aanka Cristiano Ronaldo uu ugu ssaxiixay kooxda Al Nassr iyadoo warbaahinta Sacuudiga ay shaaciyeen saacado ka hor inuu qalinka ku duugay hishiiska oo berri la soo bandhigi doono.
Xiddiga reer Portugal ayaa saxiixay hishiis labo sannadood ah uu sannadkii ku qaadanayo 200 milyan doolar, wuxuuna soo gabagabeeyay waayihiisa ciyaareed ee qaarada Yurub.
Taageerayaasha ayaa warkaan uga falceliyay Twitter iyagoo sheegay in Ronaldo ay u dhamaatay madaama uu ka hayaamay Yurub islamarkaana uu ka ciyaarayo horyaalka Sacuudiga.
Taageerayaasha ayaa intooda badan isku feker ahaa iyadoo mid uu soo qoray: “Waayihii ciyaareed ee Cristiano Ronaldo si rasmi ah ayuu u soo dhamaaday.”
Mid kale ayaa yiri: “Ronaldo way ka dhamaatay.”
Mid seddexaad ayaa qoray: “Deg deg: Ronaldo way u dhamaatay, waana bilaa shaqo haatan.”
Taageere kale ayaa qoray in Ronaldo uu ku biirayo mid ka mid ah kooxaha ugu xun horyaalka Sacuudi Areebiya.
Ronaldo ayaa ka tagay kubada cagta Yurub isagoo ku guuleystay shan abaalmarinta Ballon d’Or, shan Champions League, dhowr abaalmarin oo gooldhalin ah iyo horyaalo uu ku qaaday seddex ka mid ah shanta horyaal ee ugu waa weyn qaarada Yurub.
