Real Madrid Oo U Soo Gudubtay Finalka Supercopa de Espana Ka Dib Rigoore Ay Ku Garaaceen Valencia

Rigoore cajiib aheyd ayaa keentay in Real Madrid ay u gudubto finalka Supercopa de Espana ka dib markii ay garaaceen Valencia.

Labada kooxood ayaa ku kala bixi waayay barbaro gool iyo gool ah iyadoo gool rigoore ahaa uu dhaliyay Karim Benzema qeybtii hore ee ciyaarta uu kansalay xiddiga Los Che Samuel Lino.

Labada kooxood ayaa ciyaaray kubad weerar iyo weerar celis ah iyadoo Real Madrid ayaa ciyaarta heysatay 15kii daqiiqo oo ugu horeeyay iyadoo Karim Benzema uu helay fursado badan

Laakiin Valencia ayaa dhanka kale u rogtay iyadoo Edinson Cavani iyo Kluivert ay tijaabiyeen goolhaye Thibaut Courtis.

Qeybtii labaad sheekada la mid ayay aheyd ka dib markii ay Real Madrid hogaanka qabatay Los Che ayaa durbadiiba ka jawaab celisay oo heshay goolka barbaraha.

Sidoo Kale Akhri

Manchester City: Mishiinkii Lacagta, Ciyaartoyda Dembiga Geliyey Ee Ay La Saxeexatay Iyo Xiddigaha Lagu Amrayo Inay Iska Tagaan

February 6, 2023

SAADAAL: Supercomputer Oo Saadaal Cusub Ka Sameeyey Premier League Kaddib Guul-darradii Arsenal Iyo Ganaaxa Manchester City

February 6, 2023

Dhamaadkii ciyaarta Benzema ayaa iska qasaariyay fursad uu ku go’aansan lahaa natiijada ciyaarta, taasoo keentay in la isla aado waqtiga dheeri ah.

Madrid ayaana ku badisay rigooradii la isla tagay iyagoo dhaliyay dhamaan afartooda rigoore halka Courtois uu sidoo kale wacdarro dhigay.

Real Madrid waxay finalka ku sugeysaa midkood Real Betis ama Barcelona oo ciyaaraya habeen danbe oo Khamiis ah, iyadoo finalka uu dhici doono Axada.