Xiddiga Brazil iyo Paris Saint-Germain ayaa seegi doona labada kulan ee soo socota ee wareega group-yada Koobka Adduunka ka dib markii uu dhaawacmay kulankii ay 2-0 shalay uga badiyeen Serbia.
Neymar ayaa la bedelay daqiiqadii 80aad ka dib markii qalad lagu galay sagaal jeer. Waxaa la arkayay isagoo ku ooyaya kursiga keydka, madaama uu ogaa inta uu la eg yahay dhaawaca ka soo gaaray canqowga.
Ka dib ciyaarta dhaqtarka Brazil ayaa sheegay in Neymar uu dhaawac xun ka soo gaaray canqowga. Brazil waxay Group G la hogaaminayaan Switzerland oo iyagana shalay ka badiyay Cameroon.
Maanta oo Jimce ah Brazil ayaa xaqiijisay in Neymar uu maqnaan doona labada kulan ee soo socota.
Brazi ayaa la fiyaa inay guulo ka gaarto Switzerland iyo Cameroon iyadoo uu ka maqan yahay Neymar, waxaana loo arkaa xulka ugu cadcad Koobka Adduunka sannadkan.
Xiddiga Arsenal Gabriel Jesus ayaan ku soo bilaabanin kulankii Serbia waxaana macquul ah in isaga loo doorto inuu buuxiyo booska Neymar.
Neymar ayaa door muhiim ah ka ciyaaray kulankii Brazil ay cagta la martay Serbia. Richarlison ayaa dhaliyay labada gool ka hor inta uusan bedelin Jesus dhamaadkii ciyaarta.
Brazil waxay heshay 23 darbo oo goolka ku bartilmaameedsan, halka Serbia aysan helin xitaa hal darbo oo goolka ku bartilmaameedsan.
Marka laga soo tago Neymar, waxaa isna seegaya inta ka harsan wareega group-yada daafaca midig Danilo. Wuxuu ku soo bilowday kulankii Serbia wuxuuna dhameystay.
