FIFA ayaa ganaax ku soo rogtay xulka Croatia islamarkaana u digtay ka hor kulankooda wareega 8da Koobka Adduunka ee ay la ciyaarayaan Brazil.
Xiriirka kubada cagta Croatia ayaa lagu ganaaxay lacag kor u dhaafeysa 50 kun yuro ka dib markii taageerayaashooda ay isir naceyb ku aflagaadeeyeen goolhayaha xulka Canada Milan Borjan.
FIFA ayaa ganaaxooda u cuskatay qodobka 16aad ee sharciga anshaxa FIFA kaasoo ka soo horjeeda in la isticmaalo fariimo aan ku habooneyn kubada cagta.
Taageerayaasha xulka Croatia ayaa ku heesay “Borjan waa faashiiste” iyagoo tixraac ka dhigaya inuu ka mid ahaa Naasiyiintii laayay Seerbiyiinta iyo Yahuuda dagaalki labaad ee dunida.
Waxay arintaan oo dhan la xiriirtaa in goolhayaha Canada uu ku dashay gobolka Seerbiyiintu degto ee Croatia kaasoo qeyb ka ahaa dagaalkii kala qeybiyay Yugoslavia 1990meeyadii.
Qoyska Milan Borjan ayaa ka tagay gobolkaas sannadkii 1995kii, iyadoo sannadkaas ay magaalada xukumayeen ciidamadii Croatia.
Goolhayaha isagoo caruur ah ayuu la qoyskiisa la tagay Canada. Markii uu noqday xirfadle kubada cagta ah wuxuu doortay inuu matalo dalkii soo dhaweeyay.
