Kooxda kubadda cagta Atletico Madrid ayaa si rasmi ah ugu dhawaaqday saxeexa weeraryahanka reer Netherlands ee Memphis Depay oo ay kala soo wareegeen Barcelona, waxaana uu qalinka ku duugay heshiis soconaya illaa sannadka 2025.
Memphis Depay ayaa soo afjaray laba sannadood oo niyad-jab ahaa oo uu kusoo qaatay Barcelona oo uu kursiga kaydka ku jiray, waxaanay Atletico bixisay saddex milyan oo Euro oo kaliya.
Xiddigan hore ee Lyon iyo Manchester United ayaa Atletico Madrid ay heshiiskiisa u dhaqaaqday markii ay ka tageen Cunha iyo Joao Felix oo kooxaha horyaalka horyaalka Premier League ee Wolves iyo Chelsea.
Qandaraaska uu Memphis Depay kula jiray Barcelona oo ku ekaa dhamaadka xilli ciyaareedkan ayaa kusoo dhamaaday in uu gool-dhaliyahani doortay inuu u wareego kooxda tababare Diego Simeone oo uu rumaysan yahay inuu ka heli doono fursad ka fiican middii Barcelona.
Atletico Madrid ayaa la sheegay in aanay ku koobnaan doonin Depay oo ay hadda u xidh-xidhan doonto Borja Iglesias oo u ciyaara Real Betis, isla markaana dalbaday in la iibiyo bishan January.
Memphis Depay ayaa waxa uu weerarka Atletico Madrid kula biiri doonaa Griezmann, Correa iyo Morata.
