Weeraryahanka aadka loo qiimeeyo ee kooxda AC Milan Rafael Leão oo lala xiriirinayay inuu u wareegayo Chelsea ayaa niyadjabiyay taageerayaasha Blues ka dib markii uu shaaciyay kooxda Premier League ee uu jecl yahay.
Xiddigaan oo lala xiriirinayay in Blues ay dalab ka gudbin doonto bisha Janaayo ayaa mustaqbalkiisa uga waramayay idaadaca RDP Afrika isagoo sheegay inuu ku faraxsan yahay haatan AC Milan laakiin mustaqbalka laga yaabo inuu horyaal kale ka ciyaaro.
Xiddiga reer Portugal ayaa yiri: “Inaan ka ciyaaro horyaal cusub, haa waa macquul mustaqbalka… laakiin haatan waxaan boqolkiiba boqol diirada saarayaa AC Milan.
“Milan waa koox weyn, waxaana kula jiraa qandaraas. Sidoo kale waxaan jeclahay magaalada”
Leão ayaa sidoo kale sheegay in kooxaha Yurub ka dhisan ee uu daawaday inuu u jeclahay kooxda ay Chelsea xafiiltamaan ee Arsenal isagoo yiri:
“Waxaan daawaday kulamo badan. Sannadkan waxaan jeclahay Arsenal – waxay ciyaarayaan kubad aad u fiican.”
Rafa Leão: “Experience in new league? Yes, in the future… but now I’m 100% focused on AC Milan — it’s a top club and I’m under contract there. I like the city too”, tells @rdpafrica 🇵🇹 #ACMilan
“I watch many games. This year, I like Arsenal — they’re playing very well”. pic.twitter.com/1a5Snatpnr
— Fabrizio Romano (@FabrizioRomano) December 24, 2022
Warkaan ayaa waxa uu dharbaaxo ku noqonayaa Chelsea oo si weyn u xiiseyneysay laacibkaan wacdaraha ka dhigaya horyaalka Talyaaniga.
Laakiin Blues waxay kaga maarmeysaa saxiixa Christopher Nkunku oo kala soo wareegayaan RB Leipzig xagaaga halka ay sidoo kale bisha Janaayo la saxiixanayaan Andrey Santos iyo David Datro Fofana.
