Shaashadaha telefishannada ayay kasoo muuqatay iyada oo aan wax dhar ah ku xidhnayn qaybta sare ee jidhkeeda, isla markaana ku dabbaal-degaysa garoonka Lusail Stadium ee waddanka Qatar intii ay socotay ciyaartii Argentina ay rikoodheyaasha ku qaadday Koobka Adduunka.
Markii uu Gonzalo Montiel dhaliyey rikoodhaha ayay kaamirooyinku u jeedsadeen dhinaca taageereyaasha oo ay kasoo muuqatay gabadh qalan-jo reer Argentina ah oo dharka dhigatay.
Waxay mar kaliya iska saartay garankii ay xidhnayd oo aanay wax uga hooseeyaa jirin, sidaas ayaanay cawradeedu bannaanka ku timid oo ay kaamirooyinku usoo qabteen.
Qatar ayaa durba la xaqiijiyey inay xabsiga u taxaabayso gabadhan oo ay ku ciqaabi doonto, waxaana loo kala doori doonaa laba dookh oo ah in la geliyo jeelka oo uu xukun ku dhaco iyo in la saaro ganaax lacageed oo aad u badan.
Inkasta oo haweenka aan u dhalanin Qatar aan looga baahnayn in ay xidhaan cabbadyad ama xijaab oo ay ku labbisan kaaraan saraawiil, haddana waxa ka mamnuuc ah haweenka ajaanibka ah ee dalkaas tegaya inay soo xidhaan dhar ku dhajisan amaba ay is-qaawiyaan.
Sida uu sheegay wargeyska The Sun, qalanjada reer Argentina ayaa geli doonta jeelka oo lagu ridi doonaa xukun ciqaabeed maadaama markhaatiyo ay ku yihiin muuqaallada telefishannada kasoo muuqday.