Chelsea ayaa dalab weyn oo cajiib ah ka gudbisay khadka dhexe ee kooxda Benfica iyo xulka Argentina ee Enzo Fernandez.
Chelsea ayaa saxeexyo samaysay suuqa bishan January halka ay wali kuwo kale doonayso si ay dib ugu soo noolayso rajadeeda ku dhammaysiga afarta kaalmood ee sarre ee Premier League.
Waxay Benfica wadahadal kagala jiraan saxeexa Enzo halka ay la saxeexdeen Andrey Santos, Datro Fofana iyo Benoit Badiashile.
Sida uu haatan sheegayo wargeyska Portugal kasoo baxa ee Record, Chelsea ayaa Fernandez ka gudbisay dalab cusub oo 87 Milyan oo pound ah oo lagu daray saddex ciyaartoy.
Xiddigaha ay Blues miiska u saareen Benfica ayaa ah Hakim Ziyech oo ay si rasmi ah u qaataan iyo Datro Fofana iyo Andrey Santos oo ay amaah kusoo haystaan.
Ziyech ayaa 49 gool iyo 81 caawimo mudo afar sano ah ugu soo sameeyay Ajax isagoo ugu dambayn heshiis 38 Milyan oo pound ah ugu soo wareegay Chelsea balse aan wixii laga filayay marnaba soo bandhigin.
Sportsmail ayaa sheegaya in Benfica ay diidan tahay inay iibiso Fernandez gaar ahaan kaddib wacdarihii uu ka dhigay Koobka aduunka oo uu da’yarkii ugu fiicnaa kusoo guuleystay.
21 sano jirkaas ayaa dhawaan kusoo laabtay kooxdiisa isagoo tababare Roger Schmidt u sheegay rabitaankiisa ah inuu Blues ku biiro.
