Kooxda ree Talyaani ee Fiorentina ayaa u sheegtay kooxaha Premier League ee ay ugu horreeyaan Tottenham iyo Liverpool qiimaha ay ku doonayso iibka khadka dhexe ee Sofyan Amrabat.
Amrabat ayaa suuqii xagaaga ee hore lala xidhiidhinayay Tottenham balse kooxda ree London ayaan markaas kusoo xoojin saxeexiisa tababare Antonio Conte.
Amrabat ayaa Koobkii aduunka ee ka qabsoomay Qatar wacdarro kusoo dhigay isagoo Semi Final gaadhsiiyay Morocco halkaasna ku helay kooxo badan oo isha ku haya xaaladiisa.
Si kastaba, sida uu haatan sheegayo wargeyska Talyaaniga ah ee Corriere dello Sport, Fiorentina ayaa iibka Armabat ku xidhay lacag 50 Milyan oo euro ah suuqa January.
Heshiiska uu Sofyan kula joogo Viola ayaa ah mid dhacaya xagaaga 2024 balse wuxuu diyaar u yahay inuu gudaha bishan koox bedesho haddii heshiis la gaadho.
