Halyeeyga kooxda Manchester United ee Paul Scholes ayaa kooxdiisii hore u dooray labada xiddig ee uu filanayo inay u bedeli karaan weeraryahan Cristiano Ronaldo.
Man United ayaa dhawaan wadajir Ronaldo ula kansashay heshiiskii uu ku joogay Old Trafford kaddib waraysi uu siiyay saxafi Piers Morgan oo uu wax badan ku dhaliilay.
Sida ay haatan wax yihiin, Red Devils ma haystaan weeraryahan rasmi ah balse Anthony Martial iyo Marcus Rashford ayaa labaduba halkaas uga dheeli kara.
Wargeyska Manchester Evening News ayaa sheegaya in Man United diyaar u tahay inay suuqa January oo caadiyan suuq ay adagtahay in xiddigo tayo badan la helaa ah ay raadiso bedelka Ronaldo.
Labada ciyaaryahan ee uu Scholes saxeexooda u tilmaamay Man United ayuusan midkoodna weeraryahan rasmiya ahayn balse ka dheeli kara doorkaas waana Cody Gakpo iyo Christopher Nkunku oo PSV iyo RB Leizpig kaa kala tirsan.
“Waxaan filayaa inay jiraan dhawr weeraryahan oo ay eegi karaan, wiilka yar ee RB Leipzig jooga ee Chelsea lala xidhiidhinayay, Nkunku. Weerarka dhexe waa booska muuqda ee u baahan in la buuxiyo” ayuu yidhi Paul.
“Wiilka jooga PSV, Cody Gakpo oo si fiican ugu ciyaaraya Netherlands koobka aduunka waxaanan filayaa in Ten Hag isaga hore u xiisaynayay”.
Nkunku ayaa isagu tijaabada caafimaadka u maray Chelsea isla markaana heshiiskiisa la dhammaystiray halka Gakpo la filayo in bandhigyadiisa wanaagsan ee koobka aduunku sababaan inay kooxo badani tartankiisa soo galaan.
Asc beejka inbadan akhristaa waxa talo kudarsanaa sida wax noogu soo gudbisan
Qoralada iyo suuqa sidaa inaa inta fican nosoo gudbisan ileen intaa waa firiyaa
Shaqsiyan hada marna maba tixgalisan waxa sogudbinaysan qoraal ayaa labo malin noguso celcelisaan nagadaya oo wax fican nosoo gudbiya warakga sifican usoo qata