Weeraryahanka xulka Faransiska Olivier Giroud ayaa rikoodh cusub ka dhigay kulanka wareega 8da ee ay France la ciyaareyso xulka Poland ka dib markii uu jabiyay rikoodhkii goolasha xulka France ee Thierry Henry.
Weeraryahankii hore ee Arsenal iyo Chelsea ayaa haatan noqday xiddiga ugu goolasha badan taariikhda xulka France ka dib markii uu hogaanka u dhiibay maanta xulkiisa France.
Giroud ayaa dhaliyay goolkiisii 52aad isagoo ku gaaray rikoodh 117 kulan ah uu u saftay xulka difaacanaya Koobka Adduunka ee Faransiiska.
Giroud wuxuu rikoodhka ka jabiyay halyeeyga Arsenal Thierry Henry kaasoo 51 gool u dhaliyay Faransiiska 123 kulan uu u saftay.
Weeraryahanka AC Milan Giroud ayaana rikoodhka ku jabiyay in ka yar 6 kulan intii uu ciyaaray Henry.
Waxaa kaalinta 3aad ee xiddigaha ugu goolasha badan abid xulka France ku jira weeraryahanka Atletico Madrid oo dhaliyay 42 gool 112 kulan uu saftay.
Halka halyeeygii Juventus iyo France Michel Platini uu 72 kulan ku dhaliyay 41 gool.
Karim Benzema ayaa kaalinta 5aad ku jira isagoo 37 gool ku dhaliyay 97 kulan.
Giroud ayaa fursad u heysta inuu sii dheereysto rikoodhkiisa madaama uusan xilli dhow qorsheyneynin inuu ka fariisto xulka Faransiiska.
