Xiddiga reer Brazil ee Neymar ayaa ka cadhooday ficil uu sameeyey Richarlison oo sawirkiisa oo weyn iyo midka Ronaldo Nazario iskaga shaambadeeyey dhabarka, taas oo uu ku muujinayay sida uu u taageero, balse Neymar ayaa arrintaas kasoo horjeedsaday.
Richarlison oo Koobka Adduunka ka dhaliyey saddex gool, laakiin dalkiisu uu ku hadhay wareegga siddeedda Koobka Adduunka ayaa maalmo kaddib markii uu ka tegay waddanka Qatar waxa uu dhabarka iskaga sawiray Neymar iyo Ronaldo Nazario oo uu isaguna dhaxda ugu jiro.
Sida uu qoray wargeyska Globo Sport ee kasoo baxa waddanka Brazil, Neymar ayaa dhibsaday in sawirkiisu uu kasoo muuqdo dhabarka Richarlison, waxaana uu ka dalbaday inuu iska tirtiro isaga oo waliba u diray lacagtii kharashka ee kaga bixi lahayd.
Globo Sport waxa uu intaa ku daray, in Neymar uu €30,000 oo Euro oo u dhiganta £26,000 Gini si uu Richarlison uga dhigto kharashka kaga bixi doona inuu jidhkiisaka masaxo sawirka Neymar ee aanu ogolaanshaha uga qaadanin.
