Tababaraha kooxda Manchester City ee Pep Guardiola ayaa amaan kala dul-dhacay da’yarka daafaca midig ee kooxdiisa ee Rico Lewis kaas oo wacdarro ka dhigay kulankii ay xalay guusha 3-2 ah ka gaadheen Liverpool.
Man City ayaa doonaysa markale hanashada Carabao Cup oo ay sanadkii hore seegtay waxayna tartankaas xalay ka cidhib-tireen kooxdii difaacanaysay ee Liverpool.
18 sano jirkaas ayaa kusoo bilawday kulankaas xalay maadaama oo ay wali maqan yihiin Kyle Walker iyo Joao Cancelo oo Qatar kusoo metelay dalalkooda koobka aduunka.
Guardiola ayaa kulanka kaddib si gaar ah u amaanay isagoo sheegay inay nasiib ku leeyihiin inay haystaan isla markaana uusan bandhigiisaas xalay oo kale in mudo ah arag.
“Qaybtii hore wiilasha kuliyada da’yartu si fiican ayay u ciyaareen, mudo dheer ayaa laga joogaa tan iyo markii aan arkay bandhig lamida midkii Rico Lewis, mudo dheer kahor” ayuu Pep u sheegay Sky Sports.
“Isagu waa 17 ama 18 sano jir wuxuuna kahor tagay Liverpool, wuxuu ka hortagay ciyaartoy waaweyn oo afka hore ka ciyaaraya”
“Qaabka uu u ciyaaray marka uu kubadda haystay iyo marka uusan haysanba, aad ayaanu nasiib ugu leenahay inaanu ciyaartoygan haysano tobbanka sano ee soo socda”
