Tababaraha kooxda Manchester United ee Erik Ten Hag ayaa ka hadlay haddiiba kooxdiisu ay horyaalka Premier League u tartamayso kaddib guushii soo laabashada ahayd ee ay shalay ka gaadheen Manchester City.
Laba gool oo ay xilli dambe dhaliyeen Bruno Fernandes iyo Marcus Rashford ayaa Man United ka caawiyay inay hal dhibic u jirsato City oo booska labaad joogta.
Laakiin Erik Ten Hag oo kulanka kaddib hadlay ayaa diiday inuu degdego isagoo sheegay inay taageerayaasha kooxdiisu riyoon karaan balse aysan isaga iyo ciyaartoydiisu riyoon karin.
“Laga yaabaa inay taageerayaashu riyoodaan balse anagu maya, waa inaanu cagahayaga dhulka ku haynaa kaddibna aanu wajahnaa in ciyaartayadu u baahantahay in horumarin badan lagu sameeyo” ayuu yidhi macalinka Dutch-ka ahi.
“Horumar ayaanu samaynay, taasi way cadahay balse wali wado dheer ayaa noo hadhsan, dhinacyo badan oo ciyaartayada ah oo ay tahay inaanu horumarino balse horumar ayaanu samaynaynaa”.
“Dareenka xamaasadeed ee kooxdani waa mid aad u weyn, aaminaadii ayaa halkaas ka jirta, in kulanku 90 daqiiqo yahay oo ay soo laaban karaan, jiho wanaagsan ayaanu haynaa”.
&w=707&quality=100 "Miyay Man United Tartanka Premier League Ku Jirtaa Kaddib Guushii Man City? Ten Hag Oo Jawaab Cad Bixiyay 2")
