Jamaahiirta kubadda cagta ayaa baraha bulshada fariin digniin ah kula kaftamay kabtanka Argentina ee Lionel Messi kahor Finalka koobka aduunka ee Axada ka qabsoomaya dalka Qatar.
Jamaahiirta ayaa ku kaftamay in kulankaas uu Messi halis ugu jiro ama inuu dhantaalo sumcada uu kaga tagi lahaa kubadda cagta amaba inuu kooxdiisa waayo.
France ayaa xalay kasoo gudbay Morocco oo ay guul 2-0 ah ka gaadheen iyagoo Finalka koobka aduunka kula ballamay Argentina oo habeen hore 3-0 kaga adkaatay Croatia.
Labada xul ayaa koob aduunkii hore ee 2018 ku kulmay wareega 16-ka waxaana markaas guul 4-3 ah gaadhay Les Bleus oo ugu dambayn koobka ku guuleystay.
Taageerayaasha barta Twitter-ka isticmaala ayaa ku maadsaday Messi oo ay kula kaftameen in Mbappe PSG ka caydhin doono haddii ay Argentina koobka kaga guuleysato France.
Xagaagii ayay ahayd markii Paris oo ay Messi ka wada tirsan yihiin ay Mbappe siisay heshiis awood badani ula socota oo uu go’aamada qaar kooxda u yeedhin karo.
Halkan Ka Akhriso Faalooyinka:
“Waxay noqon doontaa mid xiiso leh marka Argentina ku guuleysato Finalka Axada ee Mbappe isla Isniinta PSG ka caydhiyo Messi”
“Haddii uu Messi ka adkaado France, Mbappe hubaal wuu ka caydhinayaa PSG”
“Wuxuu u wacan karaa Piers Morgan (Saxafigii Ronaldo waraysiga dhawaan ka qaaday) si uu uga qaado waraysi uu Messi iyo Neymar xaalad degdeg ah ugu eryayo”
