Kaddib markii ay gudaha suuqan ka baxeen Matheus Cunha iyo Joao Felix, Atletico Madrid ayaa si weyn ugu baahi qabtay saxeexyada weeraryahano cusub waxayna la wareegtay Memphis Depay.
Iyagoo durba weeraryahan kala saxeexday Barcelona ayuu wargeyska Sport sheegayaa inaysan intaas ku ekayn Atletico ee ay markale xiisaynayso weeraryahanka Barca ee Ferran Torres.
Torres ayaa xilli ciyaareedkan aan wakhti ciyaareed badan ka helin Xavi Hernandez oo kusoo koobay inuu badi bedel u adeegsado.
Iyadoo Barca wali dhaqaale ahaan dhibtoonaysa ayay macquul tahay inay iibiso 22 sano jirkaas haddii ay dalab wanaagsan u hesho.
Haddii uu Atletico Madrid ku biiro ayuu waji-gabax noqon doonaa kulankooda ugu horreeya ee dhex mara isaga iyo Stefan Savic maadaama ay daafaca Rojiblancos isku dhaceen dhawaan kulan labada kooxood La Liga ku kulmeen iyadoo labadaba kaadh casaan loo taagay.
