Khadka dhexe ee xulka Croatia ee Mateo Kovacic ayaa shaaca ka qaaday waxa ku sababay dhaawacyada wajigiisa ka muuqda kahor kulanka siddeed dhammaadka Koobka aduunka ee ay caawa Brazil la ballansan yihiin.
Xulka gaadhay Finalkii koobka aduunka 2018 ayaa caawa la ballansan dhigooda shanta jeer kusoo guuleystay tartanka.
Mateo ayaa sheegay inuu gabi ahaanba diyaar u yahay kulankan oo xulkiisa Croatia meteli doono balse dhaawaca wajigiisa ka muuqda yahay mid uu ku sababay shil halis ah oo uu xerada jidh dhiska xulkiisa (GYM) ku galay.
Kovacic ayaa sidoo kale sheegay inay xulkiisa u fududahay marka ay xulalka kasoo horjeedaa soo weeraraan ee ay firaaqooyin iyo meelo banaan xaga dambe ka siiyaan sida Brazil caawa samayn karto.
“Way fududahay marka xulka naga soo horjeedaa soo weerartamo ee uu kasoo tago meelo badan oo banaan” ayuu yidhi Kovacic.
Croatia ayaa wareegii 16-ka kasoo gudubtay kaddib markii ay rigoorayaal 3-1 ah ku garaacday Japan oo ay kulanka 1-1 isla mari waayeen.
