Kooxda kubadda cagta Manchester United ayaa go’aan ku gaadhay in ay bisha January u dhaqaaqdo weeraryahanka kooxda kubadda cagta Juventus ee Dusan Vlahovic, iyadoo maalmo ka hor uu tababare Erik ten Hag shaaciyey in ay maalgelin badan samayn doonaan oo ay ciyaartooyo tayo leh soo iibsan doonaan.
Red Devils oo uu bishii hore ee November ka tegay Cristiano Ronaldo oo heshiiskiisa ay burburiyeen, waxay raadinayaan weeraryahan dhexe oo karti u leh dhalinta goolasha iyo inuu qayb ka qaato ciyaarta kooxda.
Sida uu qoray wargeyska kasoo baxa Talyaaniga ee Corriere dello Sport, Manchester United ayaa bartilmaameedkeeda ka dhigatay Vlahovic oo gool ka dhaliyey Koobkii Adduunka ee xulkiisa Serbia uu kaga hadhay wareeggii koowaad ee hormooyinka.
Vlahovic oo Juventus ay bishii January ee sannadkan horraantiisii ay kasoo iibsatay Fiorentina ayaa waxa la sheegay in ay Old Lady ku qasbanaan doonto inay iibiso kaddib baadhitaano lagu samaynayo xisaabaadka kooxda oo ay dhici karto la go’aamiyo in 22 jirkan la iibiyo sannad kaddib markii uu yimid Allianz Stadium.
Manchester United ayaa la sheegay inay diyaar u tahay inay qasnaddeeda u jabiso, hase yeeshee waxay tartan adag kala kulmi doonaa kooxaha Arsenal, Chelsea, Liverpool iyo Paris Saint-Germain oo iyaguna doonaya inay la saxeexdaan.
36 ciyaarood oo uu Vlahovic u saftay Juventus yaaa waxa uu u dhaliyey 16 gool, waxaana qandaraskiisa Old Lady uu soconayaa illaa June 2026,
