Manchester United ayaa lagu soo warramayaa inay hoggaanka u qabatay tartanka loogu jiro weeraryahanka kooxda Borussia Monchengaladbach iyo xulka France ee Marcus Thuram oo hore iskaga diiday laba kooxood oo Premier League ah oo ay xafiilamaan Man United.
Red Devils ayaya ka go’an tahay inay la saxeexato weeraryahan bishan January ee suuqeedu maanta furmay maadaama uu ka tegay Cristiano Ronaldo maalmo ka hor Koobkii Adduunka.
Anthony Martial iyo Marcus Rashford ayaa ah labada ciyaartoy ee kaliya ee ka dheeli kara weerarka dhexe ee uu haysto Erik ten Hag, waxaana walaac ku haya taam ahaanshaha Martial oo dhaawacyo badan soo gaadheen sannadihii ugu dambeeyey.
Man United oo Sabtidii soo gashay kaalinta afraad ee horyaalka Premier League markii ay guul cidhiidhi ah ka gaadhay Wolves, ayaa waxay hadda u dhaqaaqday sidii ay gacanta ugu dhigi lahayd weeraryahanka Faransiiska ah ee Marcus Thuram, kaas oo ay u dhow yihiin, sida uu ku warramay wargeyska BILD ee kasoo baxa Jarmalka.
BILD waxa uu intaa ku daray, in Man United ay kaliya ku heli karayso laacibkan £10.6 milyan oo Gini, taas oo ah qiime aad u hooseeya marka loo eego sida uu yahay suuqa iibka ciyaartoyda ee waqtigan iyo tayada laacibkan intaba.
Marcus Thuram ayaa hore iskaga diiday labada kooxood ee Aston Villa iyo Newcastle United oo xiise u muujinayay, waxaan sababta lagu sheegay inay riyadiisu tahay inuu u ciyaaro afarta kooxood ee Inter Milan, Bayern Munich, PSG iyo Manchester United midkood.
Wuxuu Ku taagan yahaY wado sax ah
0923910297