“Man United-a Maantu Waa Midii Ugu Xooganayd Mudo Dheer!!” – Laacib Man City Ah Oo Kasii Dayriyay Red Devils

Kabtanka kooxda Manchester City ee Ilkay Gundogan ayaa xiddigaha kooxdiisa uga sii digay halista kooxda ay dariska yihiin ee Man United oo ay Sabtida berri ah ballansan yihiin.

Wareegii hore ee Premier League ayay Sky Blues guul weyn oo 6-3 ah Etihad Stadium kaga gaadheen Red Devils balse kooxda tababare Erik Ten Hag ayaa haatan ka duwan xaaladii wakhtigaas.

Man United ayaa leh 35 dhibcood iyadoo dhibco la wadaagta kooxda booska saddexaad ee Newcastle United halka Man City ay booska labaad 39 dhibcood ku fadhido.

Gundogan ayaa sheegay in Man United-a wakhtigani ay tahay midii ugu xooganayd mudo dheer isla markaana ay ciyaaraan kubad xiiso leh.

“United-a maantu waa midii ugu xooganayd mudo dheer. Haatan kooxdoodu waxay u muuqataa mid kalsooni badan qabta, waxay ciyaaraan kubad aad u wanaagsan, waxaynu u baahan doonaa inanynu u ciyaarno si aad uga wanaagsan sidii maanta (Kulankii Southampton) si aynu natiijo sax ah u helno” ayuu yidhi Gundo.

Sidoo Kale Akhri

Manchester City: Mishiinkii Lacagta, Ciyaartoyda Dembiga Geliyey Ee Ay La Saxeexatay Iyo Xiddigaha Lagu Amrayo Inay Iska Tagaan

February 6, 2023

SAADAAL: Supercomputer Oo Saadaal Cusub Ka Sameeyey Premier League Kaddib Guul-darradii Arsenal Iyo Ganaaxa Manchester City

February 6, 2023

Marka laga yimaado laba guulood oo ay xidhiidh uga soo gaadheen Chelsea oo xaaladeedu faraha ka baxday haddana City qudheeda ayaan ahayn mid halis sidii hore u badan leh dhawaanahan.