Tababaraha xulka Argentina ee Lionel Scaloni ayaa doortay xiddig ka tirsan xulka qaranka Spain oo uu jeclaan lahaa inuu ku haysto dalkiisa kusoo guuleystay dhawaan Koobka aduunka.
Argentina ayaa kasoo dhigay wacdarro Koobkii aduunka ee bishii hore ka qabsoomay dalka Qatar iyagoo soo hantay Koob aduunkoodii saddexaad taariikhda.
Si lamid ah Koobka aduunka, Scaloni ayaa sidoo kale La Albiceleste kula soo guuleystay Copa America iyo Finallisma isagoo abaar 28 sano ah ka saaray.
Scaloni ayaa marka hore si kumeel-gaadh ah loogu magacaabay xulka Argentina iyadoo ay in badan oo taageerayaasha dalkaas ahi kasoo horjeedeen.
Walow uu xulkiisa ku haysto xiddigo aad u hibo badan oo uu Lionel Messi kamid yahay, Scaloni ayaa sheegay inuu sidoo kale jeclaan lahaa madadaaliyaha da’da yar ee ree Spain ee Pedri Gonzalez.
“Haddii aan fursada helayo oo aan ciyaartoy Spanish ah usoo qaadan karo xulkayga wuxuu noqon lahaa Pedri” ayuu yidhi Lionel Scaloni.
Si lamid ah shaxda Barcelona ee 4-3-3, Pedri ayaa la jaanqaadi lahaa Argentina isagoo khadka dhexe kala ciyaaraya Alexis Mac Allister iyo Enzo Fernandez.
