Tartanka loogu jiro khadka dhexe ee kooxda Ajax iyo xulka Ghana ee Mohammed Kudus ayaa u muuqda mid qaabaysmaya iyadoo kooxaha ku loolamayaa ku kala horreeyaan.
Sida uu haatan sheegayo wargeyska The Bild, kooxda xidhiidhka la samaysay wakiilada Kudus ayaa ah Borussia Dortmund oo isku diyaarinaysa inay suuqa qaboobaha dalab ka gudbiso.
Dortmund ayaa diyaar u ah inay 20 Milyan oo euro dalab dhan ka gudbiso Kudus. Kudus ayaa qabtay indhaha kooxo badan oo ay kamid tahay Liverpool oo u dirtay Qatar rag usoo indho-indheeya.
Kudus ayaa ahaa dheemanka ka dhex dhalaalayay Ghana koobkan aduunka isaga oo saddex gool uga qayb qaatay, laba gool ayuu dhaliyay halka uu midkale caawiyay.
Barcelona ayaa sidoo kale mudo si dhaw ula socotay xaalada 22 sano jirkaas halka Everton saxeexiisa qarka u fuushay suuqii xagaaga.
Iyadoo Jude Bellingham aad loo doonayo kooxo badanina saxeexiisa ku tashanayaan ayay Dortmund u arki kartaa Mohammed Kudus bedelkiisa.
