Ronaldo ayay sidani u dambaysay, waa wax aan la qaadan karayn, laakiin da’diisa weynaatay iyo waqtiga uu ku jiro ee aan fiicnayn ayaa keentay. Xiddiga reer Portugal ayaa hadda koox la’aan ah kaddib markii ay Manchester United burburisay heshiiskii ay kula jirtay, sidoo kalena waxa uu ku dhibaatoonayaa xulka qaranka Portugal oo kaydka la dhigay ciyaartii u dambaysay.
37 jirkan oo toddobaadkii hore la sheegay in uu heshiis la gaadhay kooxda Sucuudiga ee Al-Nassr ayaa beeniyey arrintaas, inkasta oo ay xaqiiqo tahay in uu haysto dalab weyn oo sannadkii uu ku qaadanayo lacag ka badan £172 milyan oo Gini oo ay kooxdaasi usoo bandhigtay.
Sida ay wargeysyada waaweyn ee Ingiriisku maanta qoreen, Cristiano Ronaldo ayaa waxa uu fursad siiyey tiro kooxo ah oo uu waliba ogolaaday in uu mushaharkiisa dhimo, si ay ula saxeexdaan balse dhamaantood way iska diideen.
Ronaldo ayaa la sheegay in uu kooxahan u xaqiijiyey, in uu ogol yahay in uu toddobaadkii qaato £80,000 Gini oo kaliya, halka mushaharkii uu ka qaadan jiray Manchester United uu ahaa £450,000 toddobaadkii, balse kooxihii ay xidhiidheen oo dhan ayaa ka gaabsaday inay dhamaystiraan heshiiska.
Wargeyska The Athletic oo warkan qoray ma aanu sheegin kooxaha ay Ronaldo xidhiidheen ee iska diiday fursadda ay kula saxeexanayaan, balse waxa uu xusay in ay yihiin kooxo ka dhisan qaaradda Yurub oo uu Cristiano Ronaldo doonayo inuu wali sii joogo.
Si kastaba ha ahaatee, Cristiano Ronaldo ayaa la sheegay in ugu dambayn uu toddobaadka dambe shaacin doono mustaqbalkiisa iyo kooxda uu u wareegi doono.
Sababta aad uga hadli la,dihin wamaxy
Cristiano waxa lagaracay habenki u sharabka coco cola dhulka dhigay
Yuhud ayaa ninkan kudabajirta
Waxy waxwalba usamaynaya sidi ay khadka ugasaren ciyartoyo kahoreysy o ugu horeyan mascut ozil